Gildehoes is ne deelgemeente van de gemeente Bad Beantem in de Groafskop Beantem in de Duutse deelstoat Nedersaksen. t Ligt op ne heugte van 49 meter boawen t NAP kort bie de Duuts-Neerlaandse greanze, bie Oldenzel, en t ligt ook teegn de Duutse deelstoat Noordrijn-Westfalen an. t Hef 3980 inwonners.
t Doarp wör vuur t eerste neump in 1292, doo't nog Nyenkerken heten. Töt an 1974 was Gildehoes ne egene gemeente, doarnoa köm t bie Bad Beantem. Bie de parochie Gildehoes beheurt ook de plaatsen Achterbearg, Bardel, Hagelshook, Hoolt en Hoar, Woldziede, Westenbearg, dee't vroger op zikzelf steunden.
In Gildehoes wont redelik wat Neerlaanders, vuural oet Tweante, umdet de huzeprieze in Duutslaand wat leger zeent. In de wieke Pieper-Werning is 75% van de inwonners Neerlaands.